منہاج القرآن انٹرنیشنل کویت کے زیرِ اہتمام جلیب الشیوخ کے نہایت خوبصورت ہال میں علامہ ڈاکٹر محمد طاہر القادری کی 66 ویں سالگرہ کی تقریب منعقد ہوئی۔تقریب کا آغاز قاری مختار احمد سے ہوا۔ڈاکٹر علامہ طاہر القادری کا لکھا ہوا حمدیہ و نعتیہ کلام نہایت پر سوز آواز میں تنویر احمد فاضل او رصوفی مجید نے پیش کیا۔ننھی گڑیا عدینہ قادری نے شاندار ترانہ پڑھا۔کویت کی مشہور و معروف ادبی شخصیت وشاعر کاشف کمال نے شعروں کی صورت میں علامہ طاہرالقادری کو سلام پیش کیا۔ملک محمد افضل نے نہایت خوبصورت انداز میں ترانہ ( دکھی دلاں دا سہارا اے طاہر القادری) یوں پیش کیا کہ سارا ہال جھوم اٹھا اور قائد کے دیوانوں نے جھومر ڈال کر اپنے محبوب قائد کو سالگرہ مبارک کا پیغام دیا۔علامہ عدنان۔عرفان عادل۔شاہد طفیل ڈار۔ماجد دلوی جعفر صمدانی دختر سعید احمد قادری ص اور محترمہ حفصہ منیر قادری نے نہایت عمدہ انداز میں اپنے خیالات کا اظہار کرتے ہوئے شیخ الاسلام اور منہاج القرآن کی خدمات کو سراہا اور عوام کے شعور اور تبدیلی نظام کے لیے منہاج القرآن کے پلیٹ فارم کو یکتا قرار دیا۔چوہدری محمد ارشد تبسم نے منہاج القرآن انٹرنیشنل کویت کی جانب سے وطنِ عزیز میں حالیہ دہشت گردی کی لہر کے خلاف مذمتی قرار داد پیش کی ۔پورے حال نے کھڑے ہوکر اظہار یکجہتی کیا،ایک منٹ کی خاموشی اختیار کی اور سخت الفاظ میں مذمت کی گئی۔صدر منہاج القرآن انٹرنیشنل کویت حاجی عبدالرشید نے اختتامی اور تشکر کے کلمات سے نوازا۔منہاج القرآن کے عہدیداران۔اراکین اور وابستگان کے علاوہ کویت بھر کی دیگر تنظیمات کے نمائندگان اور مرد و خواتین کی کثیر تعداد نے شرکت کی۔
سالگرہ کا کیک مرد و خواتین نے الگ الگ ہال میں کاٹا اور شیخ الاسلام کے لیے دعائیں اور نیک خواہشات کا اظہار کیا گیا۔انتظامی کمیٹی برائے ہال نے نہایت خوبصورت انداز میں ہال کو سجایا۔خاص طور پر عبدالوہاب کے تیار کردہ روسٹم نے منہاج القرآن کے جھنڈے والی روشنیوں نے سما باندھ دیا۔کویت کے اکثریتی پیپر اور الیکٹرانک میڈیا کے نمائند گان کی خوبصورت رپورٹس ڈسپلے او ر تجزیوں نے پروگرام کو چار چاند لگا دئیے۔وقفے وقفے سے حضور شیخ الالسلام کے خطابات اور ڈاکومینٹری کلپس بھی دکھائے گئے۔ اصغر علی اور عطا الہی کے عمدہ پروجیکٹر ڈسپلے و ساو¿نڈ سسٹم اور بیک گرو¿نڈ ترانوں کی دھنوں نے رنگ باندھ دیااور دیوانوں نے اپنے محبوب قائد کی سالگرہ کے موقع پر بھنگڑاڈالا۔ تقریب کے اختتام پر تمام شرکاءمیں کیک اور عشائیہ کے پارسل تقسیم کئیے گئے۔
نقابت کے فرائض عبدالروف بھٹی اور چوہدر ی محمد ارشد تبسم نے ادا کئیے۔