کنٹرول لائن پر بھارت کی بلااشتعال فائرنگ، پاک فوج کا بھرپور جواب

راولپنڈی (آئی این پی+ این این آئی) بھارتی فوج کی جانب سے کنٹرول لائن کے کھوئی رٹہ سیکٹر پر ایک بار پھر بلااشتعال فائرنگ کی گئی جس کا پاک فوج نے منہ توڑ جواب دیا۔ پاک فوج کے شعبہ تعلقات عامہ آئی ایس پی آر کے مطابق بھارتی فوج نے کنٹرول لائن کے کھوئی رٹہ اور ٹانڈر سیکٹر پر بلااشتعال فائرنگ کی، پاک فوج نے بھارتی اشتعال انگیزی کا بھرپور جواب دیا جس پر بھارتی فوج کی بندوقیں خاموش ہو گئیں۔ تاحال کسی جانی اور مالی نقصان کی اطلاعات موصول نہیں ہوئیں۔ واضح رہے اس سے پہلے بھی بھارت نے آزاد کشمیر کے ضلع بھمبر کے کھوئی رٹہ سیکٹر میں متعدد بار بلااشتعال فائرنگ اور گولہ باری کر چکا ہے۔
بھارت/ فائرنگ