اطلاعات ونشریات کی وزیرمملکت مریم اورنگزیب نے کہا ہے کہ آج پاکستان میں ایک تاریخی دن ہے کیونکہ سینیٹ انتخابات کا انعقاد مقررہ وقت پر ہوئے۔ پارلیمنٹ ہاؤس اسلام آباد میں ایک انٹرویومیں مریم اورنگزیب نے کہاکہ ملک میں جمہوری عمل کو مستحکم بنایا جارہا ہے۔ وزیر مملکت برائے اطلاعات و نشریات مریم اورنگزیب نے کہا ہے کہ جس کے ساتھ اللہ تعالی کی مدد ہو اس کو دنیا کی کوئی طاقت اور سازش نہیں روک سکتی ماشاء اللہ مسلم لیگ ن سینیٹ میں بھی اکثریتی جماعت بن گئی ہے اپنے ایک بیان میں انہوں نے کہا کہ سینیٹ انتخابات میں میاں محمد نواز شریف اور مسلم لیگ ن کو کامیابی ملی ہے اب پس پردہ قوتوں کا دور ختم ہو چکا ہے۔