آندرے فلیچر پاکستان آنے کی خوشی میں رقص کرنے لگے

لاہور (نمائندہ سپورٹس )پشاور زلمی کے ویسٹ انڈین کھلاڑی آندرے فلیچر پاکستان آنے کو بیتاب ہیں اور یہاں آنے کی خوشی میں انہوں نے دل دل پاکستان کے دھنوں پر رقص بھی کیا۔ویڈیو میں دیکھا جا سکتا ہے کہ کیسے آنڈرے فلیچر پاکستان کے مقبول نغمے پر رقص کر رہے ہیں، پشاور زلمی کے چیئرمین جاوید آفریدی کی جانب سے ٹیم اور ان کی فیملیز کو دیئے گئے عشائیے کے موقع پرآندرے فلیچر نے ڈانس کیا جسے عشائیے پر موجود تمام لوگوں نے خوب پسند کیا اور ان کی داد رسی بھی کی۔ویسٹ انڈین کھلاڑی عمومی طور پر خوش مزاج اور تفریحی پسند کھلاڑی تصور کئے جاتے ہیں، کرس گیل، ڈیرن سیمی، پولارڈ ،براوو سمیت تمام ہی ویسٹ انڈین کھلاڑی خوشی کے لمحات کو خوب اچھی طرح مناتے ہیں۔ٹی ٹونٹی ورلڈ کپ میں ویسٹ انڈیز کی جیت کے بعد ان کا جشن آج بھی شائقین کرکٹ کو یاد ہے۔