واشنگٹن (نوائے وقت نیوز) پاکستان سے بھارتی پائلٹ ابھے نندن کی رہائی کے اعلیٰ ظرفی کیاقدام پر بین الاقوامی سطح پر پاکستان کو پذیرائی مل رہی ہے۔ امریکی اخبارات نے پاکستان کی تعریفوں کے پل بادھ دئیے اور اسے سفارتی محاذ پر بڑی کامیابی قراردیدیا ۔ نیویارک ٹائمز کی رپورٹ کے مطابق پاک بھارت کشیدہ صورتحال میں ہر لحاظ سے پاکستان کا پلڑا بھاری رہا۔ وزیراعظم عمران خان نے سمجھداری کامظاہرہ کیا۔ بھارت کے برعکس پاکستان نے جو کیا وہ دنیا کو دکھایا۔ گرفتار پائلٹ کی رہائی سے بھارت کے لیے ذلت آمیز قصے میں کمی آ گئی۔ واشنگٹن پوسٹ نے لکھا کہ پاکستان کے ساتھ بحران میں مودی کی نظریں الیکشن پر ہیں۔ قومی سلامتی کا مسئلہ غالب آنے سے مودی کی الیکشن مہم بہتر ہو گئی۔