امریکی صدرٹرمپ کی ڈاکٹروں کو کورونا کی ویکسین جلد تیار کرنے کی ہدایت

امریکی صدر ڈونلڈ ٹرمپ نے ڈاکٹروں کو کورونا کی ویکسین جلد تیار کرنے کی ہدایت کر دی ۔غیرملکی خبررساں ادارے کے مطابق کورونا وائرس سے امریکا میں ابتک 6 افراد ہلاک ہو چکے ہیں جبکہ مریضوں کی تعداد 89 ہوگئی ہے۔ ایسے میں وائرس کو قابو کرنے کے لئے امریکی حکام کوششوں میں مصروف ہیں۔  امریکی صدر کی فارماسیوٹیکل اور بائیوٹیک کمپنیوں کے سربراہوں سے میٹنگ ہوئی جس میں کورونا وائرس سے بچائو کے اقدامات اور ویکسین سے متعلق غور کیا گیا۔ اس دوران صدر ڈونلڈ ٹرمپ کورونا وائرس سے نمٹنے کے امریکی ماہر ڈاکٹر ٹونی سے الجھ پڑے۔ڈاکٹر ٹونی   نے کہا  کہ کورونا وائرس کی ویکسین بنانے میں ایک سال لگے گا جس پر امریکی صدر ٹرمپ نے کہا کہ انہیں ویکسین چند ماہ میں چاہیے۔