ڈرامہ سیریل ”عہد وفا “ چار دوستوں کی کہانی پر مبنی ہے جو ان دنوں شہرت کی بلندیوں کو چھو رہا ہے۔ ڈرامے کے چار مرکزی کردار احد رضا میر، اسامہ خالد بٹ، وہاج علی اور علی اکبر ہیں جن کی دوستی نے دیکھنے والوں پر سحر طاری کر رکھا ہے وہیں زارہ نور عباس اور علیزے شاہ کی اداکاری نے اس سیریل کو کامیابی کے مقام تک پہچانے میں ایک اہم کردار ادا کیا۔ڈرامے میں احد رضا میر نے سعد کے نام سے پاک فوج کے افسر ، علی اکبر نے بیور و کریٹ ، اسامہ خالد بٹ نے سیاستدان اور وہاج علی نے ٹی وی اینکر کا کردار نبھایا ہے اور ان کی جاندار اداکاری کو سراہا جارہا ہے ۔