ٹوبہ ٹیک سنگھ + اوکاڑہ (نا مہ نگاران+ نمائندہ خصوصی) تیز رفتار ٹریکٹر ٹرالی نے موٹرسائیکل سوار بھائی اور3 بہنوں کو کچل دیا، بھائی اور ایک بہن موقع پر جاں بحق جبکہ دو بہنیں شدید زخمی ہوگئیں جبکہ اوکاڑہ مسافر وین اور کار میں خوفناک حادثہ وکیل سمیت 3افراد جاں بحق ہوگئے ایک شدید زخمی ہوگیا ہے۔ تفصیلات کے مطابق چک نمبر 363 ج ب با ہمنی والا کا 18 سالہ محمد نعیم اپنی3 بہنو ں 20 سا لہ ماہ نور، 14 سالہ بسمہ اور 12 سالہ عدیلہ کو سکول سے چھٹی ہونے پر موٹر سائیکل پر گھر لے جا رہا تھا کہ پینسرہ روڈ پر سامنے سے آنے والی ٹریکٹر ٹرالی سے ٹکرا گئے جس میں نعیم اور بہن ماہ نور موقع پر ہی جاں بحق جبکہ دوسری دونوں بہنیں شدید زخمی ہو گئیںٹریکٹر ٹرالی ڈرائیور موقع سے فرار ہو گیادونو ں بہن، بھائی کی نعشیں جب گھر پہنچی تو گائوں میں کہرام مچ گیا والدین پر غشی کے دورے پڑتے رہے ۔ادھر شیخ محمد سرور جاوی ایڈووکیٹ ہمراہ محمد یونس اور محمد حسین کار پر سوار ہوکر لاہور ہائیکورٹ جارہے تھے کہ پل جوڑیاں کے قریب ایک تیز رفتارمسافر وین سے ان کی کار کا تصادم ہوگیا جس میں شیخ محمد سرور جاوی ایڈووکیٹ، محمد یونس اور محمد حسین موقع پر ہی جاں بحق ہوگئے جبکہ ایک شخص شدید زخمی ہوگیا۔