سینٹ الیکشن میں جمہوری قوتیں فتح سے ہمکنار ہوںگی:ارکان اسمبلی

گوجرانوالہ(نمائندہ خصوصی) مسلم لیگ ن کے ارکان قومی وصوبائی اسمبلی خرم دستگیر خان ، چوہدری محمود بشیر ورک، بیرسٹر عثما ن ابراہیم،ڈاکٹر نثار احمد چیمہ، اظہر قیوم ناہرا،حاجی عبدالرئو ف مغل،چوہدری اقبال گجر، عمران خالد بٹ، حاجی نواز چوہان سٹی صدر سلما ن خالد پومی بٹ، سینئر نائب صدر محمدشعیب بٹ نے کہا ہے سینٹ الیکشن میں آج جمہوری قوتیں فتح سے ہمکنار ہوںگی حکومت کی تما م تر سازشوں کے باوجودPDMاتحاد قائم ودائم اور اپنی منزل کی جانب گامزن ہے حکمرانوں کا عوام دشمن ایجنڈا اور پاکستانی عوام ایک ساتھ نہیں چل سکتے ان خیالات کااظہارانہوں نے خصوصی گفتگوکے دوران کیا ن لیگی رہنما ئوں نے کہا سپریم کورٹ کی جانب سے اوپن بیلٹ کے معاملے میں واضح تشریح کے بعدکسی شک وشبے کی گنجائش باقی نہیں رہی کہ خفیہ بیلٹ سراسر آئینی اور قانونی ہے اور کسی کی ذاتی خواہش پر عین الیکشن سے پہلے اس طریقے کوبد لانہیں جاسکتا۔