پاکستان کی حوثی ملیشیاء کے سعودی عرب پر حالیہ حملوں کی شدید مذمت 

اسلام آباد(سٹاف رپورٹر)پاکستان نے حوثی ملیشیاء کے سعودی عرب خاص طورپر جازان کے سرحدی علاقے کے گاوں پر حالیہ حملوں کی شدید الفاظ میں مذمت کی ہے۔ ان حملوں میں  پانچ عام شہری زخمی ہوگئے ہیں۔ دفتر خارجہ کے بیان میں کہا گیا  ہے کہ یہ حملے نہ صرف سعودی عرب کی جغرافیائی سالمیت کی خلاف ورزی ہے بلکہ اس سے عام بے گناہ لوگوں کی زندگیوں کو بھی خطرات لاحق ہیں۔ پاکستان یہ حملے فوری روکنے کا مطالبہ کرتا ہے اور یک جہتی کا مظاہرہ کرتے ہوئے سعودی عرب کے ساتھ کھڑا ہے۔