اسلام آباد (نامہ نگار) اینگرو پاورجن تھر (پرائیویٹ) لمیٹڈ (ای پی ٹی ایل) پاور پلانٹ میں دھماکے سے 5 افراد زخمی ہو گئے ہیں۔ کمپنی کی جانب سے جاری بیان کے مطابق بدھ کی شام 5 بجے کے قریب اینگرو پاورجن تھر (پرائیویٹ) لمیٹڈ (ای پی ٹی ایل) پاور پلانٹ کے 330 میگاواٹ یونٹ 1 کے کوئلے کے کنویئر سسٹم میں دھماکہ ہوا۔ واقعے کی وجہ سے پانچ افراد براہ راست متاثر ہوئے جن کی حالت مستحکم ہے۔کوئلے کے کنویئر میں خرابی تھی جس کی وجہ سے EPTL پلانٹ میں ایک معمولی دھماکہ ہوا۔ فی الحال، ہم خرابی کی وجہ کی تحقیقات کر رہے ہیں اور ہماری فوری تشویش اپنے لوگوں کی حفاظت کو یقینی بنانا ہے اور مقررہ وقت پر سٹیک ہولڈرز کو مزید معلومات فراہم کی جائیں گی۔