16کلو گھی کا کنستر 50 سے  150 روپے تک مہنگا

لاہور (کامرس رپورٹر+ خصوصی رپورٹر) گھی مینوفیکچررز نے گزشتہ روز  16کلو گھی کے کنستر کی قیمت 50روپے سے 150روپے تک اضافہ کر دیا ہے۔ یہ امر قابل ذکر ہے کہ درجہ دوم 16کلو گھی کے کنستر کی قیمت میں سب سے زیادہ اضافہ ہوا ہے۔گھی ڈیلرز کے مطابق درجہ اول گھی تیار کرنے والے گھی مینوفیکچررز نے16کلو درجہ اول گھی کے کنستر کی قیمت میں 50روپے اضافہ کر دیا جس سے اس کی قیمت 6600روپے سے بڑھ کر 6650روپے ہو گئی۔ درجہ دوم 16کلو گھی کے کنستر کی قیمت150روپے اضافے سے 6850  روپے ہوگئی جبکہ درجہ سوم گھی کے کنستر کی قیمت 100روپے اضافے سے 6500روپے ہوگئی۔گھی ڈیلرز نے بتایا کہ درجہ اول 5کلو گھی کی پیٹی کی قیمت گزشتہ 5روز کے دوران 60روپے اضافے سے 2250روپے کی ہو گئی ہے۔