کراچی(اسپورٹس رپورٹر) پی ایس ایل 7کے آفیشل اسپانسر اوساکابیٹریز نے لاہور قلندرز کو جیت پر مبارکباد پیش کرتے ہوئے کہا ہے کہ لاہور قلندرز نے پورے ٹورنامنٹ میں اپنی بہترین کارکر دگی سے کرکٹ شائقین کو خوب لطف اندوز کیا۔اس ایونٹ کے کامیاب انعقادپراوساکا بیٹریز پاکستان کرکٹ بورڈ)پی سی بی(اور دیگر تمام معاونین کی کاوشوں کو سراہتا ہے اور انہیں خراج تحسین پیش کرتا ہے۔ میگا ایونٹ میں اوساکا بیٹریز کو اسپانسر شپ کا اعزاز تیسری با رحاصل ہوااور شائقین نے اوساکا بیٹریز کی کوششوں کو خوب سراہا۔  جس کا اظہار انہوں نے اوساکا کے آفیشل فیس بک پیج پہ ہونے والے بازی کونٹیسٹ میں شرکت کی صورت میں کیا۔با زی کونٹیسٹ میں صحیح جواب دینے والے شائقین کو گراؤنڈ میں ہونے والے پاور رن کونٹیسٹ میں شرکت کا موقع دیا گیا اور جیتنے والے 43 شائقین کو بیشمار انعامات سے نوازا گیا۔ ٹورنامنٹ کے اختتامی تقریب میں اوساکا بیٹریز کے ڈائریکٹر سیلز حماد رسول قریشی نے پورے ایونٹ میں بہترین فیلڈنگ کا مظاہرہ کرنے پرخوشدل شاہ کو پلیئر آف دی ٹورنامنٹ کے اعزازاور 35لاکھ روپے کے کیش ایوارڈ سے نوازا۔اس موقع پر انہوں نے فاتح ٹیم کو مبارکباد پیش کی اور ٹورنامنٹ میں شریک دیگر ٹیموں کیلئے نیک خواہشات کا اظہار کیا۔ اوساکا بیٹریز اپنے کرکٹ کے جنون اور عزم کے باعث پاکستانی شائقین کرکٹ میں انتہائی مقبول ہے اور اس مقبولیت کا اظہار شائقین اوساکا بیٹریز کی پروڈکٹس پر بھرپور اعتماد کی صورت میں کرتے ہیں جس کیلئے اوساکا بیٹریز اپنے صارفین کا تہہ دل سے مشکور ہے۔ اوساکا بیٹریزملک میں بین الاقوامی کرکٹ کے انعقاد کیلئے بھی ہردم کوشاں ہے اور اس سلسلے میں انتہائی مسرت کے ساتھ شائقین کرکٹ کیلئے پاکستان بمقابلہ آسٹریلیا کرکٹ سیریز بھی  اسپانسر کر رہا ہے۔ اوساکا بیٹریز پرامید ہے کہ شائقین کرکٹ ہمیشہ کی طرح اس سیریزسے بھر پور لطف اندوز ہوں گے۔