معراج رسول اکرم کا عملی معجزہ ، امام الانبیاء کا تاج پہنایا گیا، پیر سرکارجی

 راولپنڈی (جنرل رپورٹر) اللہ تعالیٰ نے معراج ہی کے ذریعے حضور نبی کریمؐ کو حق الیقین کی مزید منزلوں پر لے جانا طے کر لیا تھا لہذا یہ سچا عملی معجزہ ہو کر رہا،بلاشبہ جس قدر بلند و بالا اور ممتاز و منفرد آپؐکی شان ہے اسی قدر ممتاز و منفرد مقام آپؐکے معجزات کا ہے، ان خیالات کا اظہار پیر سرکارجی نے درگاہ عالیہ و دربار عالیہ محمدیہ قادریہ قلندریہ راجڑشریف، میں منعقدہ 22ویں معراج النبیؐ کانفرنس و عرس سے خطاب کرتے ہوئے کیا،پیر سرکارجی نے کہا کہ اللہ تعالیٰ نے رسول اکرم ؐکو مکے کی سرزمین سے بیت المقدس پہنچایا،  ًامام الانبیاء کا تاج پہنایا۔،کانفرنس سے علامہ مفتی محمد یوسف رضوی، علامہ پیر سید سوہنا ماہی شاہ جی ،پیر سید قیصر عباس شاہ،پیر قاضی محمد محمود اعوان قادری،علامہ پیر سراج الدین صدیقی،پیر سیدفیصل محمود شاہ گیلانی،،صوفی محمد امین قادری سرکار ودیگر علماء کرام نے  اظہار  خیال کیا۔