لاہور(نامہ نگار)پیپلز پارٹی وویمن ونگ کی مرکزی صدر فریال تالپور نے اگلے ہفتے تک وسطی پنجاب کے تمام ڈویژنل صدور کو موزوں امیدواروں کی فہرستیں وسطی پنجاب سیکرٹریٹ کو فراہم کرنے کی ہدایت کی ۔وہ گزشتہ شب پیپلز پارٹی وسطی پنجاب کے ورچوئل اجلاس سے خطاب کر رہی تھیں جس میں رانا فاروق سعید، سید حسن مرتضی،شہزاد سعید چیمہ، تسنیم قریشی،سردار سلیم حیدر،چودھری اسلم گل،سید غلام فرید کاٹھیا،رائے شاہ جہاں بھٹی ،عنایت علی شاہ ،آصف بشیر بھاگٹ،رائے شاہ جہاں بھٹی ،غلام فرید کاٹھیا،ثمینہ گھرکی اورفیصل میر شریک تھے جبکہ قمر زمان کائرہ،ندیم افضل چن،امتیاز صفدر وڑائچ اورتنویر اشرف کائرہ کی خصوصی شرکت کی۔فریال تالپور نے اجلاس سے خطاب کرتے ہوئے پارٹی رہنماؤں کو کہا کہ فوری طور پرپنجاب کیلئے موزوں امیدواروں سے درخواستیں طلب کریں اورہر حلقے سے مضبوط امیدوار انتخابی میدان میں اتارے جائیں
انہوں نے کہا کہ پیپلز پارٹی پنجاب میں کسی سے انتخابی اتحاد نہیں کرے گی۔