لاہور(نامہ نگار)ڈی آئی جی آپریشنز لاہورافضال احمد کوثر نے ناقص کارکردگی اور مس کنڈکٹ پر4 ایس ایچ اوز کو معطل جبکہ 4 ایس ایچ کو کلوز لائن کر دیا ہے اور 8 تھانوں میں نئے ایس ایچ او تعینات کر دئیے ہیں۔ تفصیلات کے مطابق ڈی آئی جی آپریشنز افضال احمد کوثر نے ایس ایچ او تھانہ سرور روڈ انسپکٹر اسد قریشی کو کلوز لائنزکر کے سب انسپکٹر حاجن آسیہ کو ایس ایچ اوسرور روڈ، سب انسپکٹر اسد اقبال کو کلوز لائنز کر کے پولیس لائنز سے سب انسپکٹر ہاشم افتخار بھٹی کو ایس ایچ او جنوبی چھاؤنی، ایس ایچ او نواب ٹاؤن انسپکٹر حسن رضا کو کلوز لائنز،ایس ایچ او کوٹ لکھپت انسپکٹر ریحان ضیاء کو کلوز لائنز کر کے انسپکٹر اشفاق خان کو ایس ایچ او کوٹ لکھپت،ایس ایچ او ہنجروال سب انسپکٹر زبیر احمد کو معطل کر کے ایس ایچ او بھاٹی گیٹ انسپکٹر محمدجاوید کو ایس ایچ او ہنجر وال،انچارج بیگم کوٹ سب انسپکٹر سجاداحمد کو ایس ایچ او بھاٹی گیٹ،ایس ایچ او شاہدرہ ٹاؤن سب انسپکٹر خرم شہزاد کو معطل کر کے انسپکٹر مقصود گجر کو ایس ایچ او شاہدرہ ٹاؤن،ایس ایچ او ہڈیارہ سب انسپکٹر عامر سہیل کو معطل کر کے پولیس لائنز سے مدثر اللہ کو ایس ایچ او ہڈیارہ، ایس ایچ او سمن آباد سب انسپکٹر یاسر بشیر معطل کر کے سب انسپکٹر نسیم خان کو ایس ایچ او سمن آباد تعینات کر دیا گیاہے۔ ڈی آئی جی آپریشنز افضال احمد کوثر نے افسروں کو نئی جائے تعیناتی مقام پر فوری رپورٹ کرنے کا حکم دیا ہے۔