صورتحال آئیڈیل نہیں‘شاہین کی بائولنگ شاندار : مارٹن گپٹل 

لاہو ر( اسپورٹس رپورٹر) کوئٹہ گلیڈی ایٹرز میں شامل نیوزی لینڈ کے جارح مزاج بیٹر مارٹن گپٹل نے کہا ہے کہ پی ایس ایل پوائنٹس ٹیبل پر جہاں ہماری ٹیم کو ہونا چاہیے تھا وہاں نہیں ہے، صورتحال آئیڈیل نہیں ہے اس مرحلے میں ہمارے لیے مزید ہارنے کیلئے کچھ نہیں ہے۔شاہین شاہ آفریدی نے لاہور میں شاندار بائولنگ کی ہے انہوں نے جس طرح سپیل کیا وہ میں نے ٹی ٹونٹی کرکٹ میں نہیں دیکھا، وہ متاثر کن ہیں امید ہے کہ ہمارے خلاف ایسا سپیل نہیں کریں گے۔ پی ایس ایل پوائنٹس ٹیبل پر جہاں ہماری ٹیم کو ہونا چاہیے تھا وہاں نہیں ہے، صورتحال آئیڈیل نہیں ہے اس مرحلے میں ہمارے لیے مزید ہارنے کیلئے کچھ نہیں ہے، ہارنا کوئی اچھی چیز نہیں ہے، ٹی ٹوٹی لیگ کرکٹ میں جیت کو عادت بنانا ہوتا ہے اور لیگ میں رہنے کیلئے اب ہمیں جیتنا ہے۔ ٹی ٹونٹی کرکٹ میں اونچ نیچ ہوتی رہتی ہے، ہر میچ میں آپ انفرادی طور پر اچھا نہیں کر سکتے،کوشش ہے کہ اب جو مرحلہ ہے اس میں پہلے کے مقابلے میں اچھا کھیلوں۔ نیوزی لینڈ اور انگلینڈ کا ٹیسٹ دیکھنے کیلئے وقت اچھا نہیں تھا سو رہا تھا لیکن جھلکیاں دیکھیں یہ ناقابل یقین ٹیسٹ میچ تھا، نیوزی لینڈ کے کھلاڑیوں نے غیرمعمولی فائٹ بیک کیا، ایک رن سے ٹیسٹ میں کامیابی کو فینز نے خوب پسند کیا ہو گا، ان کے پیسے پورے ہو گئے ہوں گے۔ میں نے اپنے ملک کیلئے ساڑھے چھ سال ٹیسٹ کرکٹ کھیلی ہے، مجھے نیوزی لینڈ کیلئے ٹیسٹ کرکٹ کھیلنا اچھا لگتا ہے، اب بھی کبھی موقع ملا تو میں اس موقع کو دونوں ہاتھوں سے حاصل کرنے کی کوشش کروں گا لیکن میں اندازہ نہیں لگا سکتا کہ مجھے یہ موقع کب ملے گا۔