مریم نوازکے جلسہ کی تیاریاں مکمل،گوجرانوالہ کو دلہن کی طرح سجادیا گیا

گوجرانوالہ( نمائندہ خصوصی )مسلم لیگ ن کی چیف آرگنائزر مریم نواز آج غلام حسین پار ک میں منعقدہ تنظیمی کنونشن میں کارکنوں سے خطاب کریں گی جس کی تیاریاں مکمل ،شہر بھر کو جگہ جگہ استقبالیہ سائن بورڈ ز اور پینا فلیکسز آویزاں کرکے دلہن کی طرح سجا دیا گیا مریم نواز شریف کے ہمراہ وزیر داخلہ رانا ثناء اللہ ہونگے جبکہ سٹی صدر سلمان خالد پومی بٹ کی جانب سے مریم نواز کی آمد پر آٹھ بکرے صدقہ کئے جائیں گے ، انہوں نے دو من پھلوں کی پتیوں کا بندوبست بھی کرلیا جو وہ اپنی قائد مریم نواز کی آمد پر نچھاور کریں گے،گھوڑوں کا رقص کروایا جائے گا، جلسہ گاہ میں کارکنوں کا خون گرمانے کیلئے پارٹی ترانے بھی چلائے جائیں گے ،اس حوالے سے سٹی صدر سلمان خالد پومی بٹ ، سینئر نائب صدور محمد شعیب بٹ ، جمشید ایوب بٹ ،سابق ایم پی ایز عمران خالد بٹ ،سابق میئر شیخ ثروت اکرام،امیدوار پی پی 63عمر فاروق ڈار ، ظفر اقبال، صلاح الدین ڈار ،شازب ڈار،بلال ظفر  نے بتایا کہ مریم نواز کو چند داقلعہ سے بڑے جلوس کی شکل میںلایا جائے گا گوجرانوالہ کے غیور عوام اپنی قائد کا فقید المثال استقبال کریں گے ،عوام کا جمے غفیر کنونشن میں شرکت کرکے ایک مرتبہ پھر ثابت کردے گاکہ گوجرانوالہ آج بھی مسلم لیگ ن کا گڑھ او ر سابق وزیر اعظم میاں نواز شریف کے چاہنے والوں کا شہر ہے ،انہوں نے کہا کہ مریم نواز شریف  کی تواضع لذیز کھانوں سے کی جائے گی ، کھانوں میں پائے ، ہریسہ مٹن مچھلی ،پالک گوشت ، باربی کیو ، چڑے بٹیر،تھائی ،کانٹینٹل اور مختلف اقسام کی ڈیشز تیار کی گئی ہیں ۔