شیخوپورہ میں تجاوزات کی بھرمار ‘ شہریوں کومشکلات کا سامنا

شیخوپورہ(عظیم علی شیخ، سید علی معظم رضوی سے)تجاوزات کی بھرمار کے باعث شہریوں کومشکلات کا سامنا، اندرون شہر ٹریفک کا نظام درہم برہم، تجارتی مراکز اور بازاروں سے پیدل گزرنا بھی محال ہوگیا، شہریوں کی طرف سے شدید رد عمل کا اظہار، تفصیلات کے مطابق شہر کے معروف تجارتی مرکز مین بازار، جناح پارک سول کوارٹرز روڈ، بتی چوک کے چاروں اطراف اور خادم حسین روڈ لنڈا بازار سمیت دیگر مختلف مقامات پر پختہ و عارضی تجاوزات نے شہریوں کو شدیددشواریوں کا شکار کررکھا ہے تجاوزات کی بھرمار کے باعث ان تجارتی مراکزسے پیدل چلنا تک محال ہے جبکہ اندرون شہر ٹریفک کا نظام بھی درہم برہم ہو کر رہ گیا ہے جس کے باعث حادثات معمول بن چکے ہیں ، شہریوں نے اعلیٰ حکام سے تجاوزات کیخلاف گرینڈ آپریشن کرنے کا مطالبہ کیا ہے۔