کراچی (نوائے وقت رپورٹ) جے یو آئی ف کے سربراہ مولانا فضل الرحمن 3 روزہ دورے پر کراچی پہنچ گئے۔ ان سے صدر الدین راشدی، پیر پگاڑا کی قیادت میں وفد نے ملاقات کی۔ ترجمان جی ڈی اے کے مطابق ملاقات میں سندھ کی سیاسی صورتحال اور انتخابی دھاندلی پر تبادلہ خیال  ہوا۔ ملاقات میں سردار رحیم، زین شاہ، ذوالفقار مرزا، پیر راشد شاہ موجود تھے۔ ترجمان جے یو آئی ف کے مطابق رہنما جے یوآئی آغا تیمور پٹھان نے مولانا فضل الرحمن کے اعزاز میں عشائیہ دیا۔ عشائیے میں جے یو آئی ف اور جی ڈی اے کے رہنماؤں نے شرکت کی ہے۔ جے یو آئی رہنما راشد سومرو اور اسلم غوری نے بھی شرکت کی ۔