ملک کی بنیادوں کو کھوکھلا کرنے کا کسی کو فائدہ نہیں ہوگا :عابد صدیقی

لاہور(نامہ نگار) پیپلز پارٹی کے سینئر رہنما عابد حسین صدیقی نے کہا ہے کہ ملک کو معاشی طور پر مضبوط کرنے کے لیے ہر جماعت کو اپنا کردار اداکرنا چاہئے، ملک کی بنیادوں کو کھوکھلا کرنے کا کسی کو کوئی فائدہ نہیں ہوگا ۔پی ٹی آئی والے سنی اتحاد کونسل میں جاچکے ہیں اب ان کو سلجھی ہوئی سیاست کرنا ہوگی۔ملک کو سیاسی طور پر کمزور کرنے کے بجائے اسمبلیوں کے اندر جا کر جمہوری طریقے سے تنقید برائے اصلاح والی سیاست کرنا ہوگی ۔