لاہور ( این این آئی) اینٹی نارکوٹکس فورس نے7کارروائیوں میں ایک ٹن 540کلومنشیات برآمد کر لی،خاتون سمیت6ملزمان کو گرفتار کر لیا۔ترجمان اے این ایف کے مطابق کارروائیاں قلعہ عبداللہ،کچلاک بائی پاس،سریاب روڈ کوئٹہ، گوادر،کراچی، ،پشاور اورراولپنڈی میں کی گئیں۔ کارروائی کے دوران ایک ٹن 499 کلوچرس،38 کلو ہیروئن برآمد کی گئی۔اے ین ایف کے مطابق کارروائی میں 1کلو افیون اور 2کلو آئس بھی برآمد کی گئی۔ گرفتارملزمان کیخلاف انسدادِمنشیات ایکٹ کے تحت مقدمات درج کر لیے گئے۔