گوجرانوالہ:فلپائن کی سفیر،چیئر مین ماریہ ایگنس کا وفد کے ہمراہ چیمبر کا دورہ 

گوجرانوالہ (نمائندہ خصوصی )فلپائن کی سفیر و آسیان ممالک بزنس فورم کمیٹی کی چیئرمین ماریہ ایگنس نے وفد کے ہمراہ چیمبر کا دورہ کیا۔وفد میں ساتھ ممالک کے سفیر جن میں ملائشیا،تھائی لینڈ ،ویت نام ،انڈونیشیا،برونائی اور میانمار سمیت کمرشل کونصلر شامل تھے۔اس موقع پر سینئرنائب صدر حمیس گلزار مغل ،اراکین مجلس عاملہ ،سابق صدورکے علاوہ ممتاز کاروباری شخصیات بھی موجود تھیں۔آسیان ممالک کے سفیروں کے ساتھ گوجرانوالہ چیمبر کا دورہ انتہائی اہمیت کا حامل ہے وفد کے ہمراہ آنے کا مقصد صرف یہی ہے کہ ایک ہی پلیٹ فارم پر معلومات کا تبادلہ کر کے آسیان ممالک تک ایکسپورٹ کو فروغ دیا جا سکے۔یہاں کی مصنوعات پوری دنیا میں اپنی الگ پہچان کیوں رکھتی ہیں اس بات انداز ہ گوجرانوالہ کی مختلف انڈسٹریوں کا وزٹ کرنے پر ہوا ۔