ساہوکا: کھمبے پر جمپر لگاتے 7 بچوں کا باپ کرنٹ لگنے سے جاں بحق، اہل علاقہ کا میپکو کیخلاف احتجاج

ساہوکا(نامہ نگار)کھمبے پر جمپر لگاتے الیکٹریشن کرنٹ لگنے سے جاں بحق متوفی7بچوں کا باپ تھا اہل علاقہ کا روڈ بلاک کر کے میپکو کے خلاف شدید احتجاج ۔تفصیل کے مطابق نواحی گاوں 279ای بی کا رہائشی الیکٹریشن احمد دین قصائی ٹرانسفارمر کے جمپر لگا رہا تھا کہ بجلی کا زور دار جھٹکا لگنے سے نیچے آن گرا متوفی کو زخمی حالت میں ہسپتال لیجایا گیا مگر جانبر نہیں ہو سکا حادثہ کی اطلاع پر اہل علاقہ کی کثیر تعداد موقع پر پہنچ گئی اور روڈ بلاک کر کے واپڈا کی خلاف شدید نعرے بازی کی اہل علاقہ کا مطالبہ تھا کہ واپڈا اہلکار اطلاع کے باوجود بجلی ٹھیک کرنے نہیں پہنچے جس کی وجہ سے بجلی ٹھیک کرتے حادثہ پیش آیا۔ متوفی 7بچوں کا باپ تھا ۔