لاہور (پ ر) سپیریئر گروپ اور راوی ایڈورٹائزنگ کے اشتراک سے محفل نعت کا انعقاد کیا گیا جس میں ملک کے مایہ ناز نعت خواںپیر محمد کامران علی شریک ہوئے ۔ دیگر نعت خوانوں میں مرغوب احمد ہمدانی،پروفیسر عبدالرئوف رُوفی، محمد صہیب رضاقادری، شہزاد حنیف مدنی، محمد یونس قادری، محمدعدنان علی ہجویری، محمد صغیر نقشبندی، حافظ وسیم عباس، حافظ محمد کاشف علی ہجویری، محسن ظہورنقشبندی، مختاراحمد صدیقی، حاجی اعجازاحمد، حاجی شیخ مولوی محمدرفیق، نعیم مدنی، اور وقاراحمد صدیقی نے سعادتِ نعت خوانی حاصل کی۔ ختم المرسلین نبی آخرالزماں محمدﷺ کی حمد و ثناء اور درودو سلام سے معمور اس محفل نے ایمان افروز سماں باندھ دیا۔ شریک نعت خوانوں کی جذبے سے بھر پور آواز اور اشعارِنعت شُرکاء کے ایمان کو تازہ کرتے رہے۔