کبھی جھوٹ نہیں بولوں گی، ٹرمپ کی نئی پریس سیکرٹری کا اعلان

واشنگٹن(این این آئی)وائٹ ہاوس کی نئی پریس سیکرٹری کیلی میکن نے اعلان کیا ہے کہ میں صحافیوں سے کبھی جھوٹ نہیں بولوں گی۔غیرملکی خبررساں ادارے کے مطابق امریکی صدر ڈونلڈ ٹرمپ کی نئی پریس سیکرٹری کیلی میکن نے گزشہ روز پہلی پریس بریفنگ دی۔وائٹ ہاوس کی پریس سیکرٹری کی جانب سے ایک سال سے زائد عرصے بعد پہلی بریفنگ سامنے آئی ۔وائٹ ہاوس میں 11 مارچ 2019ء کے بعد یہ پہلی بار بریفنگ دی گئی ۔اس سے پہلے سارہ سینڈرز پریس سیکرٹری رہی ہیں۔