کابل : ایندھن کے کئی ٹینکروں کو آگ لگ گئی ،7 افراد ہلاک ، 14 زخمی 

 کابل (آئی این پی ) افغان دارالحکومت  کابل کے شمالی حصے میں ایندھن کے متعدد ٹینکروں کو لگنے والی آگ کے سبب سات افراد ہلاک اور چودہ دیگر زخمی ہو گئے۔  افغان  وزارت داخلہ کے ترجمان کے مطابق  ہفتے کو رات گئے یہ آگ اچانک ایک ایسے علاقے میں لگی، جہاں ایندھن سے بھرے درجنوں ٹینکر پارک کیے گئے تھے۔ اس آتش زدگی کی زد میں ایک مقامی پٹرول اسٹیشن بھی آ گیا۔ یہ واضح نہیں کہ یہ آگ کس وجہ سے لگی۔ افغانستان میں تقریبا بیس سال تک اپنی موجودگی کے بعد غیر ملکی فوجی دستوں نے   یکم مئی کو اس ملک سے اپنے حتمی انخلا کا باقاعدہ عمل شروع کر دیا تھا۔