راولپنڈی(اپنے سٹاف رپورٹر سے)محلہ حکمداد میں ہمسائے والوں نے گھر میں موٹر سائیکل کو آگ لگا دی 2 لڑکیاں شدید جھلس گئیں جبکہ گرجا روڈ پر سودا سلف خرید کر گھر جانے والے پر نامعلوم موٹر سائیکلوں نے فائرنگ کرکے زخمی کردیا اور فرار ہوگئے تھانہ وارث خان کو کبیر حسین نے بتایا کہ محلہ حکمداد میں مجھے بیوی نے کال کرکے بتایا کہ اوپر والے پورشن سے تنویر کے بیٹوں نے آکر مجھ کو مارا ہے میں گھر پہنچا تو میرے موٹر سائیکل کو آگ لگی ہوئی تھی اور میری دو بیٹیاں میمونہ اور نبیلہ کافی جل چکی تھیں ملزمان حسیب ، حسنین اور منیب نے انہیں جان سے مارنے کی کوشش کی ہے تھانہ صدر بیرونی کوعبدالستار نے بتایا کہ گرجا روڈ پر مدعی کا بیٹا دکان سے سودا سلف لینے گیاگھر واپس آتے ہوئے دو نامعلوم موٹر سائیکل سواروں نے اس پر فائرنگ کردی جس سے مدعی کے بیٹا شدید زخمی ہوگیا پولیس نے الگ الگ مقدمات درج کرلئے ہیں۔