ملتان وہاڑی ون وے روڈ کی تعمیر شروع نہ ہوسکی،حادثات معمول

 ٹبہ سلطان پور (نمائندہ نوائے وقت )سابق  وزیراعظم عمران خان نے گذشتہ سال 25رمضان المبارک کو اپنے دورہ ملتان کے دوران مین ملتان وہاڑی ون وے روڈ کا سنگ بنیاد رکھا تھا لیکن ایک سال گزرنے کے باوجود ابھی تک روڈ کی تعمیر شروع  نہ ہوسکی ہے اور مسلسل التوائ￿  کاشکار ہے روڈ انتہائی خستہ حال ہونے کی وجہ سے سفر کرنا بھی مشکل ہوچکا ہے حادثات بھی معمول بنگئے شہریوں کا کہنا ہے روڈ کی تعمیر کے لیے پنجاب حکومت کی جانب ایک سال میں چار مرتبہ کام شروع کروانے کااعلان کیا گیا لیکن کچھ بھی عمل نہ ہوسکا ہے اور صرف خالی دعوے ہی سابق حکومت کی جانب سے ثابت ہوئے ہیں سید الطاف حسین شاہ ، عبدالرشید گجر ، چوہدری سعید کمبوہ ، زاہد اقبال کمبوہ ایڈوکیٹ، چوہدری مہدی حسن کمبوہ ، اجمل خان سگو ، چوہدری حاجی انور کمبوہ سمیت دیگر نے شدید احتجاج کرتے ہوئے وزیراعلی پنجاب حمزہ شہباز اور وزیراعظم میاں شہباز شریف سے فوری طور پر نوٹس لیتے ہوئے روڈ کی تعمیر فوری طور پر شروع کروانے کا مطا لبہ کیا ہے۔