ایل ڈی اے کے زیراہتمام  پلاٹوں کی نیلامی آج ہوگی

 لاہور(خبرنگار)لاہور ڈویلپمنٹ اتھارٹی کے زیر اہتمام پلاٹوں کا شاندار نیلام عام آج ایل ڈی اے کمیونٹی سنٹر ،سوک سنٹر نیو گارڈن ٹاﺅن میں منعقد ہوگا۔نیلام عام میں علامہ اقبال ٹاون ، مصطفی ٹاون،سبزہ زار، تاج پورہ ، فیصل ٹاﺅن،قائداعظم ٹاون،جوبلی ٹاون اور ایل ڈی اے ایونیو ون میں واقع کمرشل و رہائشی پلاٹس نیلام کیے جائیں گے اور جوبلی ٹاون میں واقع مارکی سائٹ کے حقوق کرایہ داری بھی نیلام کیے جائیں گے۔نیلام عام کی نگرانی آکشن کمیٹی کے ارکان ایڈیشنل ڈائریکٹر جنرل (ہاو¿سنگ)، ڈائریکٹرڈی جی ہیڈکوارٹرز‘ڈائریکٹرز ہاوسنگ اور دیگر متعلقہ افسران کریں گے۔نیلام عام کی شرائط موقع پر پڑھ کر سنائی جائیں گی۔ کامیاب بولی دہندہ نیلام عام کی شرائط تسلیم کرنے کے پابند ہوں گے۔