لاہور(سپورٹس رپورٹر)پاکستان ویمنز کرکٹ ٹیم نے ویسٹ انڈیز ویمنز ٹیم کو چوتھا ٹی ٹونٹی میچ آٹھ وکٹوں سے ہرا دیا ۔ مہمان ٹیم کو پانچ میچوں کی سیریز میں چار ایک کی فیصلہ کن برتری حاصل ہے ۔ مہمان  ٹیم نے 9وکٹوں پر 84رنز بنائے ۔ویسٹ انڈیز کی شیمین کیمبل 26 اور زیدا جیمز 19 رنز بناکر نمایاں رہیں۔صرف تین کھلاڑی ڈبل فیگر میں داخل ہوسکیں ۔ سعدیہ اقبال اور ندا ڈار نے 3 ، 3 کھلاڑیوں کو آؤٹ کیا جبکہ نشرہ سندھو اور رامین شمیم نے ایک، ایک وکٹ لی۔پاکستان ویمنز ٹیم نے ہدف 16.3اوورز میں 2وکٹوںپر 87رنز بناکر پورا کر لیا ۔ عائشہ ظفر نے ناقابل شکست42رنز بنائے ۔ سعدیہ اقبال کو میچ کی بہترین کھلاڑی قرار دیا گیا ۔ پاکستان ویمن ٹیم میں عالیہ ریاض اور طوبیٰ حسن کی جگہ نشرہ سندھو اور گل فیروزہ کو شامل کیا گیا ۔سیریز کا آخری میچ آج کھیلا جائیگا۔