ستارہ کالونی کا مین ہول 2ہفتے سے بند ،اہل علاقہ سراپااحتجاج

لاہور (کلچرل رپورٹر ) ستارہ کالونی نمبر 2 یونیورسل سکول والی گلی کا مین ہول بند سیوریج کا پانی کئی روز سے کھڑا ہونے سے اہل علاقہ شدید پریشانی میں مبتلا ہو کر رہ گئے۔ علاقے میں مچھروں کی افزائش ہونے سے علاقے میں ملیریا کی وبا پھیلنے کا اندیشہ بڑھنے لگا۔ 2 ہفتے گزر جانے کے باوجود واسا اہلکاروں نے آنے کی  زحمت تک نہ کی حالانکہ اس گلی میں ایک پرائیویٹ سکول ہے اور یہ مرکزی گلی کماھاں روڈ سمیت معتدد کالونیوں سے ملاتی ہیں۔ اس گلی سے روازنہ طلبہ سمیت سینکڑوں کی تعداد میں عوام گزرتی ہے۔ اہل علاقہ نصیر احمد بلوچ، شوکت علی گجر، بابا ایوب، بابا ابراہیم، چوہدری محبوب چاند،ارشد علی، اعجاز، سائیں ارسلان نے بتایا واسا کے عملے کو کئی بار کہہ چکے ہیں لیکن اطلاع کے باوجود عملہ نہیں پہنچتا۔ ہماری ڈی جی واسا سے اپیل ہے کہ ہماری گلی کے مین ہولز کی فوری صفائی کروائی جائے تاکہ اہلیانِ علاقہ مختلف بیماروں سے بچ سکے۔