روٹری کلب آف لاہور گارڈنز نے صاف پانی کے10 آر او پلانٹس لگائے 

لاہور(نیوز رپورٹر) روٹری کلب آف لاہور گارڈنز نے چلڈرن ہسپتال لاہور میں پینے کے صاف پانی کو ہر خاص و عام کیلئے یقینی بناتے ہوئے 10 آر او پلانٹس لگائے اور سب سے پہلے خود صاف پانی پی کر ان کا افتتاح کیا۔ اس موقع پر چلڈرن ہسپتال لاہور کے وائس چانسلر، مینیجنگ ڈائیرکٹر و دیگر آفیشلز اور روٹری کلب آف لاہور گارڈنرز کے صدر ، سیکرٹری، ممبران و ڈونرز نے شرکت کی اور ان آر او پلانٹس کی مستقبل میں دیکھ بھال اور صاف پانی کی فراہمی کو یقینی بنانے کے واسطے ایک ایم او یو پر دستخط کرنے کی تقریب بھی منعقد ہوئی۔