چین شدید بارشیں ہائی وے کا ایک ٹکڑ ابہنے ہلاسے کتوں کی تعداد 48ہوگئی

بیجنگ(نوائے وقت رپورٹ) چین میں موسلا دھار بارشوں کے دوران ہائی وے کا ایک ٹکڑا بہہ گیا جس سے پیدا ہونے والے گڑھے نے 48 افراد کی جانیں نگل لیں۔ چین کی سرکاری خبر رساں ایجنسی کے مطابق ملک کے جنوبی صوبے گوانگ ڈونگ کے شہر میزہو میں مرکزی ہائی وے سے متعدد گاڑیاں الٹ کر 59 فٹ گہری کھائی میں جا گریں۔ کرین کے ذریعے گاڑیوں کو نکالا گیا۔ متعدد گاڑیاں جل گئی تھیں جبکہ 80 کے قریب افراد کو ہسپتال منتقل کیا گیا۔ ابتدائی طور پر 24 اور پھر بعد میں 48 افراد کی ہلاکت کی تصدیق کردی گئی۔ حادثے میں 30 سے زائد افراد زخمی بھی ہیں جن میں سے 8 کی حالت نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔ کئی مسافروں کے اعضا جسم سے علیحدہ ہوگئے۔ ترجمان ریسکیو آپریشن کا کہنا ہے کہ اس علاقے میں کئی روز سے بارشوں کا سلسلہ جاری ہے۔ جس کی وجہ سے سڑک کا ایک حصہ بہہ گیا اور وہاں گڑھا پڑ گیا تھا اور وہاں سے گزرنے والی گاڑیاں کھائی میں جاگریں۔