بچیکی (نامہ نگار) بڑا گھر روڈ پر دو موٹر سائیکلوں میں تصادم کے نتیجے میں خاتون سمیت ایک ہی خاندان کے 2 افراد جاںبحق اور 3 زخمی ہو گئے۔ نواحی گائوں چک 563گ۔ب کا رہائشی احمد علی کچھی اپنی بیوی ملکی بی بی اور قریبی عزیزہ جنت بی بی کے ساتھ بچیکی سے بڑا گھر جا رہا تھا کہ چک نمبر 4 سٹاپ کے قریب مخالف سمت سے آنے والی موٹر سائیکل سے ٹکرا گیا جس کی زد میں آکر احمد علی موقع پر ہی جاںبحق ہو گیا جبکہ اس کی بیوی ملکی بی بی، جنت بی بی، علی شیر اور بابر علی زخمی ہو گئے جن میں سے جنت بی بی ہسپتال میں دم توڑ گئی۔ ہسپتال ذرائع کے مطابق ملکی بی بی کی حالت بھی تشویشناک بتائی گئی ہے۔