عمران سے کہا تھا کسی کے اشاروں پر چلنے سے حکومتیں نہیںبنائی جاسکتیں، الیکشن ہار کر بھی مقصد جیت گیا: جاوید ہاشمی

ملتان (خاتون رپورٹر) سینئر سیاستدان جاوید ہاشمی نے کہا ہے کہ میں نے عمران خان کو واضح طور پر کہا تھا کہ ہمیں کسی کی بھی کٹھ پتلی بننے کی ضرورت نہیں۔ کسی کے اشارورں پر چلنے سے ہم کبھی بھی حکومت نہیں بنا سکیں گے۔ ضمنی الیکشن ہار کر بھی میرے مقصد کی جیت ہوئی جس کی خود طاہر القادری نے تائید کی۔ ان خیالات کا اظہار انہوں نے گزشتہ روز اظہر بلوچ کی جانب سے دئیے گئے استقبالیے میں کیا۔ انہوں نے کہا کہ میں نے ہمیشہ سچ بولا اور میری باتیں آج عمران خان اور نواز شریف کو ضرور یاد آتی ہونگی۔ انہوں نے کہا کہ وفاقی وزیر ریلوے خواجہ سعید رفیق میری رہائشگاہ پر آئے اور انہوں نے مجھ سے گلہ کیا کہ آپ نے استعفیٰ دینے سے پہلے ہمیں اعتماد میں کیوں نہیں لیا۔ آخر میں مولانا  اظہر جاوید نے صحافی مجید نظامی مرحوم، علیم چودھری اور فیض بخش مرحومین کے بلند درجات کیلئے دعا کی۔