بھارت میں مسلمانوں کو زبردستی ہندو بنانے کی مہم تیز ہوگئی

نئی دہلی(صباح نیوز)بھارت میں مسلمانوں کوزبردستی ہندوبنانے کی مہم میں تیزی آ گئی ،سوشل میڈیاپروائرل ہونے والی ویڈیونے انتہاپسندہندووں کامکروہ چہرہ بے نقاب کردیا۔ سب سے بڑی جمہوریت کے دعویدارملک بھارت میں اقلیتوں کی زندگی خطر ے میں پڑگئی مسلمانوں ، عیسائیوں اور دیگر مذاہب سے تعلق رکھنے والے افراد کو ہندو بنانے کی کوششیں کی جارہی ہیں۔سوشل میڈیاپر وائرل ہونے والی ویڈیو میں انتہاپسندہندو کو ایک مسلمان نوجوان پروحشیا نہ تشدد کرتے دیکھا جا سکتا ہے ویڈیومیں دیکھاجاسکتا ہے کہ کس طرح جنونی شخص نوجوان کو مذہب بدلنے پرمجبورکر رہا ہے بھارت میں مسلمانوں کومذہب تبدیل کرانے کی یہ پہلی ویڈیونہیں اس سے پہلے بھی اس طرح کے کئی واقعات رونماہوچکے ہیں۔