نابینا ٹیچر اور بلائنڈ کرکٹ ٹیم کے سابق کپتان عبدالرزاق تحصیل کونسل شرقپور میں پریذائیڈنگ افسر تعینات

شیخوپورہ (نامہ نگار خصوصی) الیکشن کمشن حکام نے 19نومبر کو یہاں ہونے والے بلدیاتی انتخابات میں نابینا افسر تعینات کرد یا جس پر عوامی سماجی حلقوں نے حیرانگی کا اظہار کیا ہے۔ بتایا جاتا ہے کہ پاکستان بلائنڈ کرکٹ ٹیم کے سابق کپتان عبدالرزاق جو کہ گورنمنٹ سپیشل ایجوکیشن سنٹر مریدکے میں بطور ایس ایس ای ٹیچر تعینات ہیں کو تحصیل کونسل شرقپور کے پولنگ سٹیشن پر بطور پریذائڈنگ افسر تعینات کیا ہے جبکہ انہیں ٹریننگ کے لیے بھی بلایا گیا ہے۔