ہرارے ٹیسٹ:سری لنکا نے زمبابوے کو 225رنز سے ہرادیا

ہرارے (سپورٹس ڈیسک )سری لنکا نے زمبابوے کو دو ٹیسٹ میچوں کی سیریز کے پہلے میچ میں 225رنز سے شکست دے کر ایک صفر کی برتری حاصل کرلی ۔ سری لنکن ٹیم نے دوسری اننگز 247رنز چھ کھلاڑی آئوٹ پر ڈکلیئر کرکے میزبان ٹیم کو جیت کیلئے 412رنز کا ہدف دیا ۔ زمبابوین ٹیم میچ کے آخری دن 90.3اوورز میں 186رنز بناکر آئوٹ ہوگئی ۔ زمبابوے کے کریمر کو میچ کا بہترین کھلاڑی قرار دیا گیا ۔