پیرس (اے پی پی) ڈیوڈ گوفن اور روبرٹو بوٹسٹا پیرس ماسٹرز ٹینس ٹورنامنٹ مینز سنگلز پری کوارٹر فائنل میں پہنچ گئے۔ تفصیلات کے مطابق پیرس میں جاری مینز سنگلز مقابلوں کے دوسرے رائونڈ میں بیلجیئم کے ڈیوڈ گوفن نے فرانس کے ایڈرین مینرینو کو دلچسپ مقابلے کے بعد 6-2 ، 2-6 اور 6-3 سے ہرایا۔ ایک اور میچ میں سپین کے روبرٹو بوٹسٹا نے فرانس ہی کے جیرمی شارڈے کو سٹریٹ سیٹس میں شکست دی اور پری کوارٹر فائنل کیلئے کوالیفائی کیا۔ ان کی جیت کا سکور 6-4 اور 6-1 رہا۔