کراچی (اے پی پی) پاکستان بلیئرڈز اینڈ اسنوکر ایسوسی ایشن نے آئی بی ایس ایف ورلڈ اسنوکر چیمپئن شپ 2018ء کے لئے پاکستان اسنوکر ثیم کا اعلان کر دیا۔ اعلامیہ کے مطابق پاکستان اسنوکر ایسوسی ایشن نے بابر مسیح، محمد آصف، محمد بلال اور عمران شہزاد سمیت چار کھلاڑیوں پر مشتمل پاکستان اسنوکر ٹیم کا اعلان کر دیا۔ بابر مسیح، محمد آصف اور محمد بلال (مینز ایونٹ) میں شرکت کریں گے جبکہ ماسٹرز کے مقابلوں میں عمران شہزاد حصہ لیں گے۔ پاکستان بلیئرڈز اینڈ اسنوکر ایسوسی ایشن کے صدر منور حسین شیخ ڈیلیگیٹ کی حیثیت سے ٹیم کے ہمراہ ہوں گے۔ واضح رہے کہ ورلڈ اسنوکر چیمپئن شپ 18 سے 27 نومبر تک میانمار کے شہر ینگون میں کھیلی جائے گی۔