بلوچستان کی تاریخ میں پہلی انٹرنیشنل سکواش لیگ آج سے کوئٹہ میں شروع

لاہور (سپورٹس رپورٹر+نمائندہ سپورٹس )بلوچستان کی تاریخ میں پہلی مرتبہ انٹرنیشنل سکواش لیگ کا انعقاد کوئٹہ میں کیا جارہا ہے لیگ آج سے ایوب سٹیڈیم شاہ نواز مری سکوائش کمپلیکس میں شروع ہوگا،لیگ کی اختتامی تقریب 7 نومبر کو ہوگی۔ انٹرنیشنل سکواش لیگ کے چیئرمین پرنس عمر احمد زئی کا کہنا تھا کہ انٹرنیشنل سکواش لیگ کا کوئٹہ میں انعقاد دنیا بھر میں بلوچستان کے مثبت چہرے کو اجاگر کرنے میں اہم کردار ادا کریگا لیگ کے انعقاد پر وزیراعلی بلوچستان، کمانڈر سدرن کمانڈ، آئی جی ایف سی سمیت دیگر اعلی حکام پر کی بھرپور حمایت حاصل ہے۔ سکواش لیگ کے انعقاد کا مقصد بین الاقوامی سطع پر بلوچستان کے کھلاڑیوں کو تیار کرنا اور انہیں انٹرنیشنل لیول کے مواقع فراہم کرناہے، ذاتی کوششوں کے باعث دیگر ممالک کے اسپانسرز کے تعاون سے بلوچستان میں انٹرنیشنل سکواش لیگ کے انعقاد کیلئے 75 ہزار ڈالر لائیں ہیں جو کہ اختتامی تقریب میں کھلاڑیوں کو نقد انعامات کے طور پر دئیے جائینگے۔