پیانگ یانگ (نیٹ نیوز) شمالی کوریا نے سپر لارج ملٹی پل راکٹ لانچرز کا کامیاب تجربہ کیا ہے۔ شمالی کوریا کے سرکاری خبررساں ادارے کورین سینٹرل نیوز ایجنسی نے انکشاف کیا ہے کہ جدید ٹیکنالوجی سے لیس راکٹ لانچرز کے تجربات کے تسلسل میں سائنسدانوں نے ایک ساتھ کئی میزائلوں کو فائر کرنے والے ملٹی پل راکٹ لانچرز کا کامیاب تجربہ کیا ہے۔ یہ راکٹ لانچر بیک وقت کئی میزائل ہدف کی جانب پھینکنے کی صلاحیت رکھتا ہے اور اس کی خاص بات ہدف کو انتہائی تیزی سے اور بغیر آواز کے نشانہ بناتا ہے۔ شمالی کوریا کے سربراہ کم جونگ ان نے اس تجربے کو بڑی کامیابی قرار دیا ہے۔