لاہور(نمائندہ خصوصی)کینٹ ڈویژن پولیس نے اشتہاری و سنگین جرائم میں ملوث عناصر کیخلاف کارروائی کرتے ہوئے گزشتہ ہفتہ کے دوران مختلف جرائم میں ملوث 169ملزمان گرفتار کرلئے۔ ناجائز اسلحہ کیخلاف کارروائی کے دوران 4 پسٹلز،2 رائفلزاور درجنوں گولیاں برآمد کی گئیں۔ منشیات فروشوں کیخلاف کارروائی کرتے ہوئے 30 ملزمان سے 7 کلوگرام سے زائد چرس اور 187 لیٹر شراب برآمد کی گئی ۔ گرفتار ملزمان میں 10اشتہاری، 30 عدالتی مفرور، 10قمار باز و83دیگر ملزمان شامل ہیں۔