تبلیغی اجتماع،ٹریفک انتظام مکمل کر لئے ہیں:سی ٹی او

لاہور(نمائندہ خصوصی)چیف ٹریفک آفیسر لاہور کیپٹن(ر)لیاقت علی ملک کا کہنا ہے کہ سالانہ تبلیغی اجتماع رائیونڈکے شرکا کے انخلاء کیلئے ٹریفک انتظامات مکمل کر لئے گئے ہیں۔اختتامی دعا کے وقت رائیونڈ سٹی،اجتماع آنیوالے تمام روڈز ٹریفک کیلئے بند ہونگے۔ رائیونڈ سٹی آنیوالے تمام روڈز پر شرکا کی گاڑیوں کو پاجیاں موڑ سے قزلباش چوک موٹروے تک دونوں اطراف پر ون وے، بھوبتیاں چوک تا موہلنوال تک دونوں اطراف کی گاڑیوں کو ون وے چلایا جائے گا۔ سندر روڈ پر رائیونڈ روڈ تا سندر اڈا ملتان روڈ، رائیوڈ مانگا روڈ، کوٹ رادھا کشن روڈ، اور صوئے آصل روڈ پر پر شرکا کی گاڑیوں کو یکطرفہ چلایا جائیگا۔