وائس چیئرمین واسا کی ریکارڈ ریونیو ریکوری کرنے پر ایم ڈی، ڈی ایم ڈی اور ڈی جی ریونیو کو مبارکباد

لاہور ( سپیشل رپورٹر) وائس چیئرمین واسا شیخ امتیاز محمود نے ریکارڈ ریونیو ریکوری کرنے پر ایم ڈی واسا سید زاہد عزیز ، ڈی ایم ڈی (FA&R)نوید مظہر اور ڈائریکٹر ریونیومیاں منیر کو خصوصی مبارک باد دی۔ انہوں نے کہا کہ واسا نے بلوں میں اضافہ کیے بغیر گذشتہ ماہ اکتوبر میں 50کروڑ روپے سے زائد کی ریکارڈ ریکوری کی ہے جوکہ گذشتہ سال اکتوبر سے 5کروڑ 67لاکھ 111روپے سے زیادہ ہے۔ وائس چیئرمین واسا شیخ امتیاز محمود نے مزید کہا کہ واسا کے ریونیو افسران و ملازمین نے بہترین کار کردگی کا مظاہر ہ کیا ہے جوکہ قابل تعریف ہے۔ ریونیو میں بہترین کارکردگی دکھانے والے افسران و ملازمین کو انعامات دیئے جائیں گے ۔ تمام سٹاف اسی محنت اور لگن سے کام کرے اور واسا کا نام روشن کریں۔