میرعبدالقدوس عوامی توقعات پر پورا اتریں گے :انم نتاشہ

کوئٹہ(سٹی رپورٹر)بلوچستان پشتون بیلٹ مینارٹی ایکشن الائنس کی وائس چیئرپرسن اور بی اے پی اقلیتی ونگ کی سینئر رہنما انم نتاشہ نے  میر عبدالقدوس بزنجوکو بلامقابلہ وزیراعلیٰ بلوچستان منتخب ہونے پر مبارکباد دیتے ہوئے کہا ہے میر عبدالقدوس بزنجو بحیثیت وزیراعلیٰ صوبے کی پسماندگی کے خاتمے میں اپنا بھر پورکردارادا کریں گے اور تمام اتحادی جماعتوں کو ساتھ لیکر چلیں گے۔ انہوں نے کہا کہ بلوچستان اسمبلی میں موجود تمام جماعتوں نے بلا مقابلہ میر عبدالقدوس بزنجو کو وزیراعلیٰ بلوچستان  منتخب کرکے ایک اچھی روایت قائم کی۔ انہوں نے کہا کہ نومنتخب وزیراعلیٰ بلوچستان میرعبدالقدوس بزنجو عوام کو بنیادی سہولیات کی فراہمی اورصوبے کی ترقی کیلئے اپنی تمام صلاحیتیں بروئے کارلائیں گے اورعوام نے ان سے جو توقعات وابستہ کررکھی ہیں اس پر پورا اترنے کی بھر پورکوشش کریں گے۔