حیدرآباد(بیورو رپورٹ)سائیٹ ایریا کے نوجوان کی گمشدگی کا معمہ حل۔تھانہ سائیٹ کی حدود ہاشمی کالونی سائیٹ ایریا سے نوجوان نہرو ماوجی کی گمشدگی کا واقعہ پیش آیا تھا،نوجوان کے والد کی جانب سے گمشدگی کی اطلاع دی گئی تھی، پولیس نے نوجوان کی تلاش کیلئے تمام ذرائع کو بروکار لاتے ہوئے گمشدہ نوجوان نہرو ماوجی کو لاہور سے برآمد کرلیا۔تفصیلات کے مطابق نوجوان نہرو ماوجی نے اپنے بیان میں بتایا کہ مجھے کسی نے اغواہ نہیں کیا البتہ میں اپنی مرضی سے ذہنی دباﺅ کے باعث لاہور چلا گیا تھا، نوجوان نے مزید بتایا کہ اسے والدین کی جانب سے لمس میڈیکل یونیورسٹی میں داخلے کیلئے زور دیا جارہا تھا،جو اس کیلئے ناممکن تھا جس کے بعد نوجوان نے راہ فرار اختیار کی۔