یوٹیلٹی سٹورز پر گھی اور کوکنگ آئل سستا‘ کراچی کو زیادہ فائدہ 

اسلام آباد (آئی این پی) یوٹیلٹی سٹورز نے مختلف برانڈز کے گھی اور کوکنگ آئل کی قیمتوں میں 7 روپے کمی کا اعلان کر دیا۔ ذرائع کے مطابق گھی کی فی کلو قیمت میں 7 روپے کی کمی کر دی گئی اور کوکنگ آئل بھی فی لٹر 7 روپے سستا کر دیا گیا۔ اطلاق جمعرات سے ہو چکا ہے۔ کمی کا فائدہ سب سے زیادہ کراچی کے صارفین کو ہو گا۔ کراچی کیلئے گھی اور کوکنگ آئل کی نئی قیمت کم مقرر کی گئی ہے۔