لاہور (نامہ نگار ) ڈولفن سکواڈ پولیس نے پتنگ بازی، ون ویلنگ، ہوائی فائرنگ کیخلاف ایکشن کرتے ہوئے شہر کے مختلف علاقوں سے27 ملزمان گرفتار کرلئے ہیں۔ترجمان ڈولفن کے مطابق ڈولفن سکواڈ نے ڈیفنس، مال روڈ،جیل روڈ،بند روڈ، فیروزپور روڈ اوردیگر علاقوں سے 25 ون ویلرز جبکہ پتنگ بازی اورہوائی فائرنگ میں ملوث 2 ملزمان کو گرفتار کر کے ان کے قبضے سے پتنگیں، پستول، گولیاں و میگزینز برآمد کر کے انہیں مزید قانونی کارروائی کیلئے متعلقہ تھانوں کی پولیس کے حوالے کر دیاہے۔